Harremanetarako

Instagram Facebook

Jaso albisteak:

Whatsapp Telegram
Instagram Facebook

Jaso albisteak:

Whatsapp Telegram

Harremanetarako

Instagram Facebook

Jaso albisteak:

Whatsapp Telegram

Harremanetarako

Dokumentazioa

Berriatuko Herri Ondarea argitaratu da

Hemen kontsultatu daiteke.

Azken bi urte eta erdian Goikolau Kultur Elkartearekin egindako dokumentazio aholkularitza lanak egin dira, elkarteak jasotako guztia eta etorkizun ikuspegia aztertuta, eta parte hartze dinamikak ere erabilita, egitura dokumentala diseinatu eta haren gainean gauzatu da datu-base eta webgunearen mapa. Mapa hori errealitate egin du Codesyntax enpresaren jakintza teknologikoak.

Ondarea, dokumentazioa eta teknologia, hiru jakintzak elkartuta, Laratza datu-basea garatu da. Eta Laratza datu-basearen bidez eraiki da Berriatuko Herri Ondarea. Lan eder baten emaitza!

Herri Ondarea erakusteko tresna diseinatzen

Berriatuko Goikolau Kultur Elkarteak urteetan egindako lana eta bildutako ondarea denen eskura jartzeko tresna diseinatzen jardun dugu azken urtean eta pausuz pausu aurrera goaz. Herri ondarearen ikuspegi zabala jasoko duen tresna diseinatzen joan gara, denen artean.

Internet bidez herri ondarea ezagutarazi eta bildutakoa erraz kudeatzeko tresna izango da.

Urte honetan zehar gorputza hartzen joango da.

Berriatuko Herri Ondarearen plataforma

Dokumentazioa Ondarea

Aurreko ikasturtean zehar Goikolau Kultur Elkarteak jasotako informazio eta dokumentazioaren analisia egin ondoren, Berriatuko Herri Ondarea kudeatu eta gizarteratuko duen plataforma informatikoaren diseinua egin dugu.

Plataforma horrek Goikolau elkarteak berak jasotako ondarea eta herritarrek emandako ondarea antolatzen lagunduko du, dokumentu mota guztien kudeaketa ahalbidetuko du, eta dokumentu horiek egituratzen duen ezagutza edo informazioa ere jasotzeko aukerak emango ditu. Plataforma hori gauzatzeko eman beharreko pausuak finkatu dira orain.

Ondare lan handia egin denean, plazera da dokumentazio analisia egin eta etorkizunerako egituraketa edo sistematizazioa diseinatzea.

Aurtengo Erroak Loran jaian Abel Ariznabarretak esan zuen bezala, ondarearen transmisioa sutondoan egiten zen, eta laratza izango zen transmisio horren sinboloa. Ea plataforma honek denentzat irekita dagoen laratza digitala izatea lortzen duen.

Herri ondareari buruzko gogoeta

dokumentazioa

Goikolau Kultur Elkarteak urte luzez herri ondarearen inguruan bildutako informazioa eta dokumentazioa antolatu eta gizarteratzeko sistema diseinatzeko, elkarteko kideekin parte hartze prozesu txiki bat egin dugu.

Orain arte jasotako ondarea egituratuko duen eskema proposatu da, lanerako mapa bezala erabiliko duguna, eta bertan orain arte egin diren eta etorkizunean egin nahi diren egitasmoak kokatzeko ariketak egin dira. Tailerreton sortutako gogoeta eta zalantzekin, lanerako mapa egokitu eta Goikolau Elkartearen jarduna antolatzeko egitura adostuko da. Eduki eta ideia ugari jaso dira tailerrotan, egin den lan aberatsaren seinale.

Berriatuko Goikolau Elkartea, herri ondare ikusezina bistaratzen

Berriatuko Goikolau Kultur Elkartea

Berriatuko Goikolau Elkarteak dokumentazio aholkularitza eskatu du. Urteetan egindako lanari esker informazio eta dokumentazio ugari bildu da, eta guzti hori antolatu eta gizarteratzeko modua diseinatzea ezinbestekotzat jo dute.

Herri ondarea ulertzeko era oso zabala eta osotasun handikoa du Goikolau Elkarteak, eta horrek lan-estrategia oso zabala sortu du. Egin den lana eta etorkizunean egingo den lana jaso, datu-base batean egituratu eta hedatu ahal izateko, kide guztiek adostutako lanerako mapa bat sortzea izango da lehenengo lana.

Irailetik abendura bitarteko lana izango da.