DOKUMENTAZIOA ETA KULTUR ONDAREA
Egun, Hil Arte Bizi egitasmoaz gain, dokumentazio aholkularitza eta kultur ondarearen inguruko dokumentazioaren antolaketa lanak ere eskaintzen ditut.
• Barne funtzionamenduaren analisia, dinamika parte-hartzaileak erabilita, elkartearen edo erakundearen egitura dokumental egokiena definitzeko.
• Dokumentazio lanen identifikazioa eta formazioa.
• Antolaketa fisiko egokienaren diseinua.
• Dokumentazio lanak eta dokumentazio lanen jarraipena: katalogazioa, inbentarioak egitea, antolaketa fisikoa, eta abar.
• Elkartearen edo erakundearen edukiak modu eguneratuan argitaratzeko datu-baseen diseinua.
• Enpresa informatikoen hautaketa.
• Enpresa informatikoen lanaren jarraipena eta zuzendaritza.
LARATZA DATU-BASEA, herri ondarea kudeatu eta hedatzeko tresna.
Herri ondarea osatzen duen informazio eta dokumentazioa kudeatu eta interneten modu dinamikoan argitaratzea ahalbidetzen duen tresna da. Berriatuko Herri Ondarea egitasmoa kudeatu eta argitaratzeko sortu den arren, beste herrietako ondarearentzat baliagarria da.
Goikolau Kultur Elkartearen ondare inguruko jakintza eta esperientziarekin, ondarearen dokumentazioan eta datu baseen garapenean aditua den Nere Erkiagaren aholkularitza eta diseinuarekin eta Codesyntax enpresaren jakintza teknologikoarekin garatu da Laratza datu-basea.
• Ondarearekin lana egiten duten elkarte, udal eta erakundeentzat: Laratza datu-basea egokitu eta ezartzeko.
• Elkarte eta erakundeentzat, beraien dokumentazio beharrak aztertu eta antolatzeko.
• Informatika enpresentzat, dokumentazio aholkularitza behar duten egitasmoetarako.
• Liburutegi, artxibo zein dokumentazio zentroentzat, egitasmo zehatzetarako.
Azken 20 urtetan, dokumentazio sistema espezializatuen diseinu eta antolaketan eta sistema horiei erantzuteko datu-baseen garapenean egin dut lan.
Laratza datu-basearen diseinu eta garapenean jardun dut eta 2025ean datu-base honen gainean eraikitako Berrituako Herri Ondarea plataforma argitaratu da, Goikolau Kultur Elkartean egindako gogoeta eta antolaketa lanen ondoren.
Xenpelar Dokumentazio Zentroaren berrantolaketa eta sistema dokumentalaren bideratzean eta Bertsolaritzaren Datu-Basearen diseinua egin eta bere garapenean jardun dut. Parte hartze metodologia erabili dut taldea koordinatu eta egitasmoak definitzeko tresna moduan.
Nevadako Unibertsitateko Euskal Liburutegiko zuzendari ere izan nintzen 2006-2007 bitartean eta hainbat liburutegi publiko, dokumentazio zentro eta artxiboen antolaketan ere lan egin dut.
Salamancako Unibertsitatean Dokumentazioan lizentziaduna (1996), eta Bibliotekonomia eta Dokumentazioan diplomaduna naiz, eta ikastaro eta prestakuntza ugari egin ditut nire bizitza profesionalean zehar. Euskal Herriko Unibertsitatean Komunitate Garapena eta Parte Hartze Masterra (2007) eta Mondragon Unibertsitatean Euskal Kulturaren Transmisioan Graduondoa (2011) ikasketak eginak ditut.
ALBISTEAK
Berriatuko Herri Ondarea argitaratu da
Hemen kontsultatu daiteke. Azken bi urte eta erdian Goikolau Kultur...
Irakurri gehiago
Herri Ondarea erakusteko tresna diseinatzen
Berriatuko Goikolau Kultur Elkarteak urteetan egindako lana eta bildutako ondarea...
Irakurri gehiago
Berriatuko Herri Ondarearen plataforma
Aurreko ikasturtean zehar Goikolau Kultur Elkarteak jasotako informazio eta dokumentazioaren...
Irakurri gehiago
Herri ondareari buruzko gogoeta
Goikolau Kultur Elkarteak urte luzez herri ondarearen inguruan bildutako informazioa...
Irakurri gehiago
Berriatuko Goikolau Elkartea, herri ondare ikusezina bistaratzen
Berriatuko Goikolau Elkarteak dokumentazio aholkularitza eskatu du. Urteetan egindako lanari...
Irakurri gehiago
2026 © Nere Erkiaga – Hil Arte Bizi