Amagoia Mujikak egindako erreportajea, Antzuolako etorkizuneko hilerriaren gogoeta parte hartzaileari buruz. Hemen irakurri
Antzuolako Udala
En Radio Euskadi, sobre la reflexión participativa de Antzuola
Iñaki Espiga y Loreto Larunbe nos han entrevistado sobre el proceso participativo que hemos realizado durante más de un año en Antzuola para reflexionar e imaginar el cementerio del futuro. Hemos participado en ella Pilar Etxaniz, Igor Ahedo y Nere Erkiaga. Puedes escucharla AQUÍ.
Etorkizuneko hilerria irudikatzen – Zebrabidean
Zebrabidea irrati programan Ekhiñe Zapiain eta Oihana Azkuek egindako elkarrizketa.
Entzun HEMEN
Marraztu dute geroko hilerria – Goienan
Antzuolan egin den gogoeta parte hartzailearen berri eman du Amaia Ramirez de Okariz kazetariak Goienan.
Irakurri hemen
Etorkizuneko hilerria marraztu dugu: Txostena
Irakurri txostena hemen.
Antzuolako herritarrek urte t’erdiko lanaren ondoren, etorkizuneko hilerria nolakoa nahi duten irudikatu dute. Olaranen aurkeztu dugu txostena, eta egindako lana ospatzeko aukera izan dugu. Ideia oso interesgarriak bildu dira, benetan ere.
Paperean irakurri nahi duenak, Antzuolako Udal Liburutegian eskuragarri du.
Etorkizuneko hilerria irudikatzeko gogoeta bukatu dugu
Antzuolan 2023ko udaberritik gabiltza etorkizuneko hilerriaren inguruan gogoeta parte hartzailea egiten, eta hainbat elkarrizketa, bilera eta tailer egin ondoren, udaberrian bukatu dugu prozesua. Adin ezberdinetako herritarrek parte hartu dute, eta ederra izan da beraien jarrera, hasi txikienetatik, 3 urteko herritarrak, helduenetaraino. Beraiek izan dira prozesu honetako benetako egileak!
Jasotako ideia guztiak txosten batean bildu eta hurrengo irailerako aurkezpen publikoan berriro bilduko gara.
Hil Arte Bizi egitasmoari buruz Goienako Puntuan
Goienako Txomin Madina kazetariak Hil Arte Bizi egitasmoaren eta heriotzaren inguruan egindako elkarrizketa ederra izan da.
Galdera sail ona prestatuta izan du eta luzez hitz egin izan dugu heriotzari buruz, ertz ezberdinetatik. Hil Arte Bizi egitasmoak lortu nahi dituenak aletu ditugu, eta hitz egindakoaren laburpen ona egin du paperean.
Antzuolan etorkizuneko hilerriari buruzko gogoeta parte hartzailea abiatu da
Etorkizuneko hilerriari buruzko gogoeta parte hartzailea abiatu du Hil Arte Bizi egitasmoak, Antzuolako Udalaren, Antzuola Herri Eskolaren eta Euskal Herriko Unibertsitateko Parte Hartuz Ikerketa Taldearen laguntzarekin.
Heriotzaren tabuak herritar bezala kamustu egiten gaitu eta ariketa kolektibo honen bidez herriko bizitza osotasunez begiratu eta herritar bezala heriotzaren aurrean ahalduntzea lortu nahi da.
Udaberrian Antzuola Herri Eskolak eman zion hasiera gogoeta prozesuari herriko txikienekin, eta lau urteko ikasleek etorkizuneko hilerriari buruzko gogoeta ale sakonak eskaini zituzten. Orain, urrian abiatuta, herritarren artean nolako hilerria nahiko genukeen gogoetatu, beste lekuetako eredu ezberdinak ezagutu, eta etorkizunean izan daitezkeen behar berriei hobeto erantzun ahal izango dion hilerria irudikatu nahi da. Martxorako, emaitzak aurkeztu eta udalak jasoko du osatuko den txostena.
Urrian eta azaroan egingo diren tailerrak herritar guztientzat irekiak dira, eta modu eroso eta errazean parte hartzaile guztien iritziak jasotzeko moduan egingo dira. Herritar bakoitzak bi tailerretan parte hartzeko aukera izango du, bata urrian eta bestea azaroan.
Etorkizuneko hilerriaren inguruko gogoeta parte hartzailea Antzuolan
Hil Arte Bizi egitasmoak komunitate mailan heriotzaren inguruko gaiak hobeto bizi izateko helburuarekin prozesu parte hartzaileak proposatzen ditu.
Antzuolako Herri Eskolak heriotzaren gaia aspalditik lantzen du, bai doluaren pedagogia eta baita heriotzaren pedagogia ere, egunerokotasunak sortzen dituen egoerak baliatuaz, ikasleek bizitzari eta heriotzari buruz gogoetatzea ahalbidetzen dute, bakoitzaren adinaren ezaugarrietara egokituz. Pedagogia mota hau eskolan integratuta izatea oso ez-ohikoa da. Kontutan hartu behar da curriculumean heriotzaren gaia, eta ezta dolua ere, ez direla jasotzen.
Antzuolak duen ezaugarri aberats hau baliatuz, Antzuolako Herri Eskolari eta Antzuolako Udalari herrian heriotzaren inguruko gogoeta parte-hartzailea egitea proposatu zitzaien eta biak ala biak interesgarritzat jo zuten proposamena. Etorkizuneko hilerria irudikatzeko gogoeta egitea proposatu zen, etorkizunean herritar guztientzat baliagarri izan daitekeen hilerria nolakoa izango den irudikatzeko, eta bide batez, herri mailan bizitzari osotasunez begiratuta, heriotzari lotutako gaiak ere herritarren artean naturaltasunez hitz egiteko aukera eman ahal izateko.
Antzuolako Herri Eskolako ikasle txikienekin egin zuten gogoeta, 4 urteko haurrekin. Bizitzari eta heriotzari buruz modu harrigarrian gogoetatu zuten, egungo hilerria bisitatu eta etorkizuneko hilerria egiteko ideia oso adierazgarriak proposatu zituzten. Harrigarria, txikienek beldurrik gabeko egoera aske eta zaindu batean nolako ahalmena duten ikustea.
Eskerrik asko Antzuolako Herri Eskolari, bere esperientzia eta lan ederragatik.
Informazio gehiago:
2023-05-12 Gipuzkoako Hitza. Heriotzaz, taburik gabe.
2023-05-15 Naiz Irratia. «Hilerriak brili-brili eta koloretsuak izan behar direla argi dute gure haurrek»
Hil Arte Bizi
Modu eroso batean heriotzaren aurrean gure era zein den argitu eta gure erabakiak finkatu ditzakegula sinetsita hasi dugu Hil Arte Bizi egitasmoa. Herritarrentzat tailerrak eskainiaz eman diogu hasiera, hamabi kideko taldeak osatu eta 8 tailerretako bidean elkarrekin ikasi eta heriotzaren beldurrari zati bat kentzeko asmoz.
Gaia erraza ez dela izango jakinda ere, eta tailerrak emateko gutxieneko taldea sortuko ote den zalantza eta guzti, Lekeitioko Udalak, Elizondoko Udalak, Antzuolako Udalak eta Berriatuko Udalak onartu dute Hil Arte Bizi tailerrak herrian antolatzea.
…Eta esperientzia oso ona izan da, eta tailerretako kideen iritziak aurrera jarraitzeko motorra izan dira.